ವಸುಂಧರೆ - ಒಂದು ಕವನ

ವಸುಂಧರೆ

ವಸುಂಧರೆ, ಹೊರುವಳು ಜಗದ ಹೊರೆ
ತಾಯಾಗಿ ನೀಡುವಳು ಆಸರೆ
ಅಕ್ಕ ತಂಗಿಯಾಗಿ ಓಗೊಡುವಳು ನಮ್ಮಯ ಕರೆ


ಆಗುವಳು ಭಾವನೆಗಳ ಹಂಚಿಕೊಳ್ಳುವ ಸ್ನೇಹಿತೆ
ಬಾಳ ಸಂಗಾತಿಯಾಗಿ ನಡೆವಳು ಈ ವನಿತೆ


ಮಗಳಾಗಿ ಹೆಚ್ಚಿಸುವಳು ಹುಟ್ಟಿದ ಮನೆಯ ಕೀರ್ತಿ
ಸೊಸೆಯಾಗಿ ಬೆಳಗುವಳು ಮೆಟ್ಟಿದ ಮನೆಯ ಜ್ಯೋತಿ


ಎಲ್ಲಾ ಪಾತ್ರಗಳ ನಿಭಾಯಿಸಬಲ್ಲ ಶಕ್ತಿ
ಇರುವುದವಳಿಗೆ ಸಹಿಷ್ಣುತೆ, ಪಕ್ವತೆ ಮತ್ತು ಯುಕ್ತಿ
ಸಹನಶೀಲೆ ಶಾಂತ ಮೂರ್ತಿ ಎಂಬುದೇ ಲೋಕೋಕ್ತಿ


ಇವಳಲ್ಲಿ ಬೆರೆತಿರುವ ದೈವಾಂಶ
ಸಾರಿ ಹೇಳುತಿಹುದು ಈ ಪದ್ಯದ ಸಾರಾಂಶ!

- ಕಠಾರಿ ವೀರ